Бидний тухай

“УЛААНБААТАР СЕКЬЮРИТИ” ХХК нь 1999 онд дотоодын анхдагч Дохиолол, харуул хамгаалалтын компани болж үүсгэн байгуулагдсан цагаас хойш 23-н жилийн турш сонор сэрэмж, бэлэн байдлыг ямагт хангаж, харилцагч болон ажилчдынхаа итгэлийг дааж, ёс суртахуунтай, тогтвортой үйл ажиллагаа эрхлэн арвин туршлага хуримтлуулсаар 2021 онтой золгоод байна.

Компанийн үүсгэн байгуулагч мөн Ерөнхий захирал Ж.Үүрцайх нь Цагдаагийн байгууллагад олон жилийн турш ижил төстэй чиг үүргийн дагуу удирдах албан тушаал хашсан хувийн туршлага, ёс зүйг байгууллагын соёл хэлбэрээр “УЛААНБААТАР СЕКЬЮРИТИ” ХХК-д бүрэн шингээж тэрхүү соёл нь бидний өдөр тутмын ажилдаа хандах хандлагыг чиглүүлдэг билээ.

Өнгөрсөн 22 жилийн хугацаанд манай хамт олон олон тооны гэмт халдлагыг таслан зогсоож, сэжигтнийг саатуулж, өөрийн харилцагчдын эд хөрөнгө, ажилтан албан хаагчдыг учирч болзошгүй хэмт халдлага, гал, усны аюулаас урьдчилан сэргийлж, хамгаалж Гэрээт үүргээ нэр төртэй гүйцэтгэхийн сацуу  гэмт хэргийн гаралттай тэмцэж, нийтийн хэв журам сахиулж, нийслэл хотын хөгжил, аюулгүй байдалд хувь нэмрээ оруулсаар  ирсэн.

Энэ хугацаанд хүн амины онц ноцтой хэргийн хариуцагчийг үйлдэл  дээр нь баривчилсан, галт зэвсэг, хийн гар буу ашигласан танхай, дээрмийн сэдэлтэй нийт 5-н үйлдлийг газар дээр нь таслан зогсоон зэрэг үзүүлэлтээр хамгаалалтын ажилчид болон Ерөнхий захирал Ж.Үүрцайх нар Эр зоригийн тэмдгээр шагнагдаж, өөрийн салбараас түүчээлэн Цагдаагийн байгууллагын цол тэмдгээр шагнуулсан анхны хамт олон болсон удаатай.

ГҮЙЦЭТГЭХ УДИРДЛАГА